قالوا علامك صامت...؟!

قالوا علامك صـامت وقلت ياناس

........................ ................... كثر الكلام يقل لاجله مقامي

الصمت حكمه والحكي مــصدر إفلاس

...................... ...................ولقيت في صـمـتي يزيد احترامي

الصمت له معنى وله ذوق وإحســـاس

...................... ..................مركب نجاتك في بحـور الظلامي

ترى الرجل صوره من الـراس للساس

................... ....................ثم يتبين جوهــره بالكلامي

إما نطق في كلمة ترفــع الرأس

.................... ....................تضفي على شكله جــديـد الاسامي

وإلا يعود معدنه مـــعــدن نحاس

..................... .....................يرميه سهمه بـعــد ماكان رامي

لا صار عندك من ثمـيـنات الألماس

................... .....................خله بـصـدرك لين وقت التمامي

أخاف يطلعلك مـن الناس بلاس

................... .....................وإلا سـفــيه ما يرد السلامي

الله خلق خلقه على عـدة أجناس

................... .......................وكلن يسوقه مذهـبه للأمامي

والله خلق بالطير قمري وقرناس

................... ........................ووقت الهدد ما ينغزي بالحـمـامي

لا جال في صدرك من الهم هوجاس

................ .......................وعينك يحاربهـا لذيذ المنامي

ونفسك عليله والفكر صار محتاس

.................. .......................اترك طمان القـاع وارق السنامي

عليك بالعالي ليا هب نسـناس

................. ........................يبري الجروح الخـافيه والعظامي

وخلك لربـعـك دايم الدوم نـبراس

................. .........................وخص القريب وخص ولد العــمامي

خلك لهم في داجي الليل مقـباس

.................. .........................وللصاحب أصدق من حقوق الغمــامي

ربعك ذراك ليا لحق راســك البـاس

................. .........................قدم لهم شربك ولو كنت ضـامي

وخلك لثوب الطيب والعز لبـاس

.................. ..........................واترك دروبٍ تنتهي بالحرامي

وفعل الجميل وواجب الضيف نومـاس

................... ..........................ومن لا نفع بالضـيق نفعه عدامي

بيت الكريم أبوابه بدون حـراس

................... ..........................وبيت البخيل يـعـد مثل الهدامي

كلٍ بها الدنيا نصيبه بـمقياس

.................... ..........................ياخذ نصيبه لوجــفـوه الأنامي

.,.,.,.,..,.,.,.,.,..,.,.
ملطوووش

تسلم يدينك اخوووي عناااد ..

يعطيييك العافيه يا رب ..

بانتظااار جديدك ..

ولكمووووو اختي تويتي منوره الموضوع بطلتك..

عدد الرسائل : 133 تاريخ التسجيل : 15/03/2008

رووووووووووووووووووعه
جنااااااان القصيده
بصراحه مبدع كاتبها
جبتني بالمررررره
كلها درر

يعطيك العافيه اخووي
لاتحرمنا من جديدك

ولكموو اختي عذبه منوره الموضوع بطلتك..

قصيدة رائعه اخ عناد

arygato

ولكم ..منور